Um höfundinn: Hanna Fríða

Hanna Fríða

	Um mig
Ég heiti Hanna B. Hreiðarsdóttir og B-ið stendur fyrir Bjarnfríður sem er nánast aldrei notað nema að ég hafi gert eitthvað verulega mikið af mér. Svo í gegnum tíðina hef ég látið mig hverfa ef B nafnið er notað. Var alltaf kölluð Fríða eða Hanna Fríða þegar ég var yngri sem einhvernvegin varð til þess að á Selfossi heiti ég Fríða en í Reykjavík Hanna svo skrýtið sem það nú er. Ég er alin upp á Selfossinu góða og bjó þar og meira segja alltaf í sama húsinu þar til ég stofnaði mitt eigið heimili 1993 (úpps hvað ég er orðin gömul). Hef búið í Reykjavík síðan 1993 fyrir utan eitt skólaár sem ég bjó á Eskifirði og nánast lét lífið úr leiðindum. Giftist mínum heittelskaða Pétri Óla Jónssyni árið 2002 eftir tíu ára samband og níu ára sambúð og sé sko ekki eftir því enda um mikið og krúttlegt ljúfmenni að ræða sem ég sleppi aldrei. Við eigum þrjú börn Lárus Óla 12 ára Víking, Ástu Fanney 4 ára og dreng fæddan 14.mai 2008. Skellan útskrifaðist sem Þroskaþjálfi frá KHÍ árið 2000 og er aldeilis sátt við það svona fyrir utan launin sem eru auðvitað meira grín en alvara. Hef unnið á Lyngási frá útskrift sem er dagheimili fyrir fötluð börn og unglinga rekið af Styrktarfélagi vangefinna. Auk þess að vinna ýmsa aukavinnu með fullu starfi en frá og með 1.sept verð ég einungis í 100% starfi í fyrsta skipti á ævinni. þann 1.mars. 2006 byrjaði ég að vinna á Leikskólanum Jörfa þar sem ég starfa í dag í 95% starfi sem sérkennslustjóri og líkar mikið vel.

Ábyrgðarmaður skv. Þjóðskrá: Hanna B Hreiðarsdóttir