Hæ og hó

11.2.2008 | 19:56

Skellan heilsar og viðurkennir að hafa ekki verið að standa sig þegar kemur að bloggskrifum. Skellan nennir ekki að tjá sig um heilsuna er eiginlega búin að fa nóg að ræða það í bili. Síðustu skipanir frá doktornum voru að Skellan mætti vinna mest 50% en henni væri guðvelkomið að vinna minna. En þrátt fyrir allt virðist litla krílið dafna vel og lætur vita af sér með kröftugum spörkum þegar sá gállinn er á henni/honum.

Annars var Skellunni boðið í mikið afmælisgeim um daginn þar sem örverpi þeirra hjóna Margrétar og Hreiðars hélt uppá 30 ára afmælið sitt í Karlakórsheimilinu á Selfossi. Mikið var Skellan nú fegin að Karlakórinn tók ekki lagið þar sem kórsöngur er með því leiðinlegra sem Skellan heyrir. Skellan ákvað að halda sig á mottunni í geiminu en það var eingöngu vegna þessa að stór hluti gestana eru starfandi fangaverðir sem kunna án efa að taka á málunum ef þau verða of krassandi. En burt séð frá því þá er það sem Skellunni finnst merkilegast er að litla krúttið í Stekkholtinu góða skuli vera orðin 30 ára og er hreinlega ekki viss um að það geti yfir höfuð staðist þar sem frú Skellan man eins og gerst hafi í gær þegar Frú Margrét stóð á þeim tímamótum og hélt feikna afmælispartý við markafljótsbrú. Og ekki eru nema nokkrir dagar eða í mesta lagi nokkrar vikur síðan að þetta litla kríli var með

v Krullað hár og allt í flækju

v Ber í nefinu

v Borðaði helst bara grænar baunir

v Fékk strumpaplötu í hausin

v Gekk í fjólublárri peysu með englaermum

v Og vigtaðist 14 kg

Já lífið getur verið skemmtilega skrýtið og tímarnir ansi fljótir að líða. Skellan notar tækifærið og þakkar sinni ástkæru litlu systur kærlega fyrir sig.Kveð að sinni með sól í hjarta úr gerðinu Háa.

Flokkur: Bloggar | Breytt s.d. kl. 19:59 | Facebook

Athugasemdir

Þetta var hellings gleði, hefðir bara átt að koma með ræðu Ætli ég komist ennþá í engla peysuna, já og berið... það hefur allavega pottó ekki verið af krækiberjakyni En grænu baunirnar standa fyrir sínu, en afrekið síðan þetta var er að ég er afar hrifin af gulum baunum líka og er farin að borða kjúkling en ekki bara pylsur í alla mata En takk kærlega fyrir mig.